- مطابق
![د خلافت رڼا نشته او کشميري ځوانان د مخدره توکو په تيارو کې ورک دي](/pa/media/k2/items/cache/b0be84b54051e84fc3d315b463741fd7_L.jpg?t=-62169984000)
خبر:
بي بي سي د جون په ۵مه، په «کشمیر کې د مخدره توکو کارولو د خطرناک زیاتوالي» په اړه یو راپور خپور کړ. د هند تر کنټرول لاندې کشمیر کې د درملنې له یوازیني مرکز بهر ډير تنکي ځوانان لیدل کیږي، چې له خپلو والدینو سره په کتار کې ولاړ دي او د رواني او عصبي علومو له انسټیټیوټ IMHANS)) څخه درمل ترلاسه کوي چې بېرته روغ شي او د ساري ناروغیو د لېږد مخه ونیسي. په مارچ کې یوه فدرالي وزیر پارلمان ته وویل چې په جمو او کشمیر کې نیږدې یو ملیون خلک -چې د دغې سیمې د نفوس شاوخوا ۸ سلنه جوړوي- یو ډول مخدره توکي کاروي؛ لکه چرس، اپیوني توکي یا ارام بښونکي. متخصصین وايي چې دا د دندو د کمښت او د جګړې سیمه کې د اوسېدو په سبب پیدا شوو رواني ستونزو په ګډون ګڼ عوامل لري.
تبصره:
متخصصین وايي چې په دې سیمه کې د مخدره توکو ډېر کارول د دندو د کمښت او د جګړې سیمه کې د اوسېدو په سبب پیدا شوو رواني ستونزو په ګډون ګڼ عوامل لري. ښځې هم په زیاتېدونکې کچه په مخدره توکو روږدې کیږي او دا په سیمه کې د کورني جوړښت او د ماشومانو د راتلونکي لپاره لوی ګواښ دی. بله لویه ستونزه د دغې سیمې د قانون پلي کوونکو په منځ کې پراخ فساد او د مخدره توکو له کاروباریانو سره د دوی همکاري ده چې د هند او پاکستان تر منځ د جګړې له امله رامنځته شوي سیاسي کړکېچ لار ورته هواره کړې.
د دغې ټولنیزې ناروغۍ او لویې ستونزې درملنه هغه باثباته او ځواکمن سیسټم ته اړتیا لري، چې د چارو واک هغو جنایتکارانو او فاسدو سیاستوالو ته نه ورکوي چې د قدرت لپاره یوازینۍ انګېزه یې شخصي ګټې دي. مخدره توکي او مسکرات حرام دي او ان د «تفریحي» کارولو اجازه یې هم نشته؛ الله سبحانه و تعالی فرمایي:
[يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ]
ژباړه: «اې مؤمنانو! بېشکه شراب، قمار، بتان او د فال نیولو غشي ټول ناولي او شیطاني کارونه دي، له هغو څخه ډډه وکړئ، ښايي چې بريالي شئ.»[مائده:۹۰]
خلافت دولت به د هغه هر اړخیز تعلیمي نظام ترڅنګ چې اسلامي شخصیتونه روزي او ایماني فضا رامنځته کوي؛ د مخدره توکو پر قاچاق او کارولو جدي بندیز ولګوي او عاملینو ته به یې سخته سزا ورکوي. د خلافت دولت اقتصادي نظام به د بیکارۍ او بې وزلۍ هغه اقتصادي ستونزې هم له منځه یوسي، چې په سیمه کې د فاسدو پالیسیو او ناسم مدیریت له امله رامنځته شوې. په سیمه کې د بشپړ اسلام له پلي کولو پرته د محدودو سرچینو لرونکو انجوګانو کار داسې دی لکه د سرطان پر دانه چې بنداژ لګوې؛ د خلکو هیڅ درد نه دوا کوي.
د حزب التحریر مرکزي مطبوعاتي دفتر لپاره
عمرانه محمد
د حزب التحریر مرکزي مطبوعاتي دفتر غړې